ახალგაზრდული იდეის ორი გამარჯვებული პროექტი

2018 წელს ევროპის ფონდის მიერ გამოცხადებულ ახალგაზრდული იდეების კონკურსში ხობიnews-ის

ახალგაზრდული ჯგუფის წევრებმა სესილი სიჭინავამ და თათია ჟიშკარიანმა მიიღეს მონაწილეობა იდეების კონკურსში, სადაც გაიმარჯვეს შემდეგი პროექტებით:

სესილი სიჭინავა - ,,მეტი შესაძლებლობები შშმ პირებს“. პროექტი გულისხმობს მოსწავლე-ახალგაზრდობის ცენტრში ლოგოპედის ოთახის სრულ რეაბილიტაციას და მის ინვვენტარით აღჭურვას.

თათია ჟიშკარიანი - „ჯანსაღი ცხოვრების წესი“. პროექტის ფარგლებში მეორე საჯარო სკოლის ველოსიპედით მოსარგებლე მოსწავლეებისთვის გაკეთდა სადგომი.

მიუხედავად სირთულეებისა, ორივე პროექტი წარმატებით დასრულდა და დღეს ხობის მუნიციპალიტეტში შშმ ბავშვებისთვის არსებობს ერთადერთი ოთახი, სადაც მიიღებენ ლოგოპედისა და ფსიქოლოგის საჭირო მომსახურებას. ასევე ველოსიპედით მოსარგებლე მოსწავლეებს მოეხსნათ სკოლაში ველოსიპედების დაყენების პრობლემა.

თხილის გადამამუშავებელი საწარმო შპს „GPR“

პროექტ ‘’სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად’’ ფარგლებში შექმნილი სიუჟეტები - ხობში მოქმედი საწარმოები DCFTA-ის მხარდმხარ.

ზუგდიდში სარეაბილიტაციო ცენტრი გაიხსნა

ქალაქ ზუგდიდში რეაბილიტაციისა და განვითარების საქველმოქმედო ცენტრ „თანაზიარი“-ს ბაზაზე სარეაბილიტაციო ცენტრი გაიხსნა, სადაც მუშაობენ ამერიკის შეერთებულ შტატებში გადამზადებული მაღალი კვალიფიკაციის სპეციალისტები. უახლოესი ტექნოლოგიებით აღჭურვილი სარეაბილიტაციო ცენტრი უფასოდ მოემსახურება სხვადასხვა დარღვევების მქონე შშმ პირებს, რეაბილიტაციის შესაბამის კურსების გავლა შეუძლიათ, როგორც სხვადასხვა დაავადებებით (მწვავე კარდიოლოგიული, რევმატული, ნეიროლოგიური, ცერებრალური...) ასევე ტრავმების შედეგად განვითარებული დარღვევების მქონე ბენეფიციარებს.

ბენეფიციარებს სპეციალისტები ადგილზე დაუდგენენ, თუ რა სახის სარეაბილიტაციო პროცედურები და რა მეთოდის გამოყენება დასჭირდებათ პაციენტებს გამოჯამრთელებისავის.

ცენტრი ბენეფიციარების მომსახურებას იწყებს ორშაბათიდან, 2018 წლის 17 სექტემბრიდან.

დეტალური ინფორმაციისათვის დაუკავშირდით ორგანიზაციის ხელმძღვანელს ქალბატონ ხათუნა ბეჭვაიას ტელეფონზე: 599 966 744