"პარტნიორობა ჩართულობითი პოლიტიკის შესაქმნელად" - პროექტის პრეზენტაცია ზუგდიდში

ქალაქ ზუგდიდში 17 მაისს ტექნოპარკის შენობაში გაიმართა ოთხწლიანი პროექტის "პარტნიორობა ჩართულობითი პოლიტიკის შესაქმნელად" პრეზენტაცია, რომელსაც ევროკავშირის დაფინანსებით ახორციელებს საქველმოქმედო ჰუმანიტარული ცენტრი "აფხაზეთი" (CHCA) და "კახეთის რეგიონული განვითარების ფონდი" (KRDF). პრეზენტატორები მოწვეულ სტუმრებს პროექტში დაგეგმილი აქტივობებისა და იმ სიკეთეების შესახებ ესაუბრნენ, რასაც ამ ხნის განმავლობაში მიიღებენ. კერძოდ, სამოქალაქო ორგანიზაციები კავშირების გაძლიერების მიზნით ჩამოაყალიბებენ ერთიან ქსელს, ჩატარდება ტრენინგები, საერთაშორისო პრაქტიკის გაზიარების მიზნით მოეწყობა სასწავლო ვიზიტები საზღვარგარეთ, დაფუძნდება სოციალური საწარმოები და სხვა.როგორც საქველმოქმედო-ჰუმანიტარული ცენტრის „აფხაზეთი“ს დირექტორმა ნუკრი მილორავამ აღნიშნა „პროექტს აქვს სამი მნიშვნელოვანი მიმართულება. პირველი - შეიქმნება კავკასიის რეგიონული ქსელი. გამოცხადდება საგრანტო კონკურსი და დაფუძნდება სოციალური საწარმოები“.

პრეზენტაციას "პარტნიორობა ჩართულობითი პოლიტიკის შესაქმნელად" ესწრებოდა ხობიnews-ი ხელმძღვანელი ლელა ალანია.

შეხვედრა ნატოს მუდმივმოქმედი მეორე შენაერთის ხელმძღვანელებთან

ფოთისა და ხობის მიტროპოლიტმა, მეუფე გრიგოლმა ხობის მონასტერში ნატოს მუდმივმოქმედი მეორე შენაერთის კომონდორს, მაიკლ ათლის და ნატო-ს მუდმივმოქმედი მეორე საზღვაო შენაერთის შემადგნელობაში შემავალი ხომალდების ხელმძღვანელებს უმასპინძლა. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის მერის მოადგილე მახარე ჩოკორაია, ფოთის მერი გოჩა კურდღელია და ფოთის ვიცე-მერი გიორგი ფარეშიშვილი ესწრებოდნენ. შეხვედრის მონაწილეებმა ვიზიტის მიზნებზე ისაუბრეს და სამახსოვრო საჩუქრები გაცვალეს.
მონასტრის ეზოში სტუმრების საპატივცემლოდ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრთან“ არსებული ქართული ხალხური ცეკვის სტუდიების მოსწავლეებმა ქართული ხალხური ცეკვები შეასრულეს.  რის შემდეგაც სტუმრებმა ხობის მონასტრის არქიტექტურული კომპლექსი დაათვალიერეს.

,,სამოქალაქო საზოგადოების რეგიონული ორგანიზაციები, როგორც სოფლად ეკონომიკის განვითარების ვექტორები''

2018 წლის 16 მაისს არასამთავრობო ორგანიზაცია ხობიnews-მა პროექტის ,,რეგიონული სამოქალაქო ორგანიზაციები ევროპასთან თავისუფალი ვაჭრობის მხარდასაჭერად“ პრეზენტაცია გამართა. 

პროექტი, რომელის ხორციელდება ევროკავშირისა და ჩეხეთის განვითარების სააგენტოს მხარდაჭერით, გულისხმობს რეგიონული სამოქალაქო საზოგადოების ორგანიზაციების შესაძლებლობების გაძლიერებას, სამიზნე ქალაქებში რესურს მაგიდების ამოქმედებასა და მათი მეშვეობით აგრარულ რეგიონებში ევროპასთან ღრმა და ყოვლისმომცველი თავისუფალი ვაჭრობის სივრცის DCFTA-ს მხარდაჭერას.

პროექტის ბენეფიციარები არიან საშუალო, მცირე და მიკრო ბიზნეს ოპერატორები, ინდივიდუალური მეწარმეები, ფერმერები და აგრო მწარმოებლები. 

პროექტის პარტნიორები არიან სოფლად თემთა განვითარების სააგენტო, PMC კვლევითი ცენტრი და ასოციაცია ,,ათინათი“.

პრეზენტაციის დასასრულს ჯგუფის წევრებს გადაეცათ სერთიფიკატები.მათ გამოთქვეს მზაობა დაინტერესებულ პირებს გაუწიონ კონსულტაციები ევროპასთან თავისუფალი ვაჭრობასა და მასთან დაკავშირებულ აქტუალურ საკითხებზე.

ხობიnews-ს ახალი მიმართულება დაემატა. დიზაინი და საფეიქრო საქმე.

ქალაქ თბილიაში, 30 აპრილს, ლოლიტას საკონფერენციო დარბაზში, საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ წარმომადგენლები 30-ზე მეტ დიზაინერს და საფეიქრო ინდუსტრიაში მოღვაწე კომპანიას შეხვდნენ.

სადაც ისაუბრეს სამომავლო გეგმებზე და ამ მიმართულებით რეგიონების გაძლიერებაზე.

ვრცლად: http://enterprisegeorgia.gov.ge/ge/media-center/news/saagentos-awarmoe-saqarTveloSi-warmomadgenlebis-Sexvedra-dizainerebTan-da-safeiqro-industriaSi-moRvawe-kompaniebTan?id=702