კულტურულ-ჰუმანიტარული ფონდი „სოხუმი’’, დასავლეთ საქართველოს რვა ქალაქში : ქუთაისში, ხონში, წყალტუბოში, ოზურგეთში, ბათუმში,ზუგდიდში,ხობსა და სენაკში ახორციელებს პროექტს ,,ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესების დემოკრატიზაციის გზით“, რომლის მიზანია ამომრჩეველ ქალთა აქტიურობის ხელშეწყობა და მათი როლის ამაღლება საარჩევნო პროცესებში.
პროექტის ფარგლებში გათვალისწინებულია სამიზნე ქალაქებში ამომრჩეველ ქალთა კლუბების მუშაობის გააქტიურება საპარლამენტო და ადგილობრივ არჩევნებში ქალთა მონაწილეობის გაზრდის მიზნით, შეხვედრები ადგილობრივ სამთავრობო სტრუქტურებთან გენდერულ საკითხებთან დაკავშირებით.
