„ხობიnews“-ი DCFTA-ს მხარდასაჭერად

20 დეკემბერს, ხობის მოსწავლე-ახალგაზრდობის სახლში არასამთავრობო ორგანიზაცია „ხობიnews“-ის ხელმძღვანელმა ლელა ალანიამ, ევროკავშირის მიერ დაფინანსებული პროექტის - „საქართველო ევროპულ გზაზე: DCFTA-სა და მცირე და საშუალო მეწარმეობის სტრატეგიის განხორციელებისთვის ეფექტური მოდელის შექმნა“ ფარგლებში, ხობის მუნიციპალიტეტის ადმინისტრაციულ ერთეულებში განხორციელებულ საქმიანობასთან დაკავშირებით შემაჯამებელი შეხვედრა გამართა.

პროექტის კოორდინატორმა პროექტის მიზნებზე, ამოცანებზე და ადგილობრივი თვითმმართველობის ორგანოებთან თანამშრომლობის მნიშვნელობაზე ისაუბრა.

ღონისძიებას ხობის მუნიციპალიტეტის მერი გოჩა ქაჯაია, საკრებულოს თავმჯდომარე ედიშერ ჯობავა, არასამთავრობო ორგანიზაციების და საზოგადოების წარმომადგენლები ესწრებოდნენ. 

პროექტის მიზანი „ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ“ (DCFTA) შეთანხმებასთან დაკავშირებულ საკითხებზე საჯარო მოხელეების, ახალგაზრდების, ფერმერების, მცირე ბიზნესის და საზოგადოების სხვა წარმომადგენლების ინფორმირება იყო.

ხობის მუნიციპალიტეტში პროექტი „ხობიnews-ს“ ორგანიზებით და კვლევითი ცენტრების კონსორციუმის მხარდაჭერით განხორციელდა. 

კონსორციუმს ხელმძღვანელობს „აღმოსავლეთ ევროპის კვლევების ცენტრი“ (EESC, ლიტვა) შემდეგ ორგანიზაციებთან თანამშრომლობით: „ბიზნეს საკონსულტაციო ორგანიზაციების ასოციაცია“ („ABCO საქართველო“, საქართველო), „საქართველოს პოლიტიკის ინსტიტუტი“ (GIP, საქართველო), „გლობსეკის (GLOBSEC) პოლიტიკის ინსტიტუტი“ (GPI, სლოვაკეთი), „ათინათი“ (საქართველო), ახალგაზრდა მეცნიერთა კავშირი „ინტელექტი“ (საქართველო) და ასოციაცია „კავკასიის გენეტიკა“ (საქართველო).

,,სამოქალაქო საზოგადოების რეგიონული ორგანიზაციები, როგორც სოფლად ეკონომიკის განვითარების ვექტორები''

6 დეკემბერს ხობის მუნიციპალიტეტში  არასამთავრობო ორგანიზაცია ,, ხობიnews“-ის ორგანიზებითა და საზოგადოებრივი კოლეჯი "ფაზისის" (მენეჯერი ფერიდე გოგოია) ხელშეწყობით გაიმართა საჯარო საინფორმაციო შეხვედრა თემაზე სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად. შეხვედრას ესწრებოდა ხობის მუნიციპალიტეტში არსებული სასწავლო კოლეჯი ,,ფაზისის“ ადმინისტრაცია, სტუდენტები, ფერმერები, მცირე მეწარმეები და საკონსულტაციო საბჭოს წარმომადგენელი.  შეხვედრის მიზანს წარმიადგენდა მონაწილეებისთვის გაგვეცნო ასოცირების ხელშეკრულება და კერძოდ ევროპათან ღრმა და ყოვლისმომცველი სავაჭრო სივრცის შესახებ ინფორმაციების მიწოდება.  იმ სიკეთეების დანახვა რომელსა DCFTA  ჰპირდება საქართველოს. შეხვედრის  მეორე ნაწილი დაეთმო სურსათის უვნებლობის საკითხებს, რომელზეც ამომწურავად ისაუბრა მოწვეულმა ექსპერტმა კვების მრეწველობის ინჟინერ ტექნოლოგმა, სურსათის უვნებლობის სპეციალისტმა, სურსათის სერტიფიკაციის ექსპერტმა, ექსტენციონისტმა, ბიოლოგიის

მეცნიერებათა კანდიდატმა - თინათინ არაბიძემ.   შეხვედრის ასევე ესწრებოდა ჩეხური ორგანიზაცია ..pın“-ის წარმომადგენელი და პროექტის კოორდინატორი ქეთი გოცირიძე.

პროექტი ხორციელდება ევროკავშირისა და ჩეხური ორგანიზაცია ,,pın’-ის მხარდაჭერით,პროექტის პარტნიორები არიან სოფლად თემთა განვითარების სააგენტო, PMC კვლევითი ცენტრი და ასოციაცია ,,ათინათი“.